رغم الالم يبقى الامل زجلية بعنوان :(السرطان)

السرطان
بليه فداتي ساريه
العمر فاني فكل دقيقه
وهنا تبان نعمة الصحة
نفكر بها كل من طغى
وسهى فدنيا وهمل حياة
وعطاها للبليه
سم ورا سم السرطان يتكون
شد لحزام ولا تمل
عيش وتعايش بالامل
صون نفسك بالعمل
بالوقاية گبل ماتحصل
كلشي هديه من الرحمان
عليك بالصبر
ورا كل مصيبه
دنوب تغفر
وسيئات تمحى من سطر
شهر ورا شهر
واجلك قرب
على صلاتك ماتخلا
ولا تغفل
كلنا فلحياة دايزين
الغني ولفقير
الصحيح والمريض
الشاب والشايب
امرأة أو راجل
صغير ولا كبير
محدود العمر
زرع فگلبك كل يوم بدرة
سقيتيها تولي وردة
تعطي عطر ومحبه
للناس تكون باينه
دير الخير وزيد فيه
لا تهتم بغيرك تولي له شبيه
راه الدكي لي عاش عيشه زينه
ولنفس عطا قيمه
ما يحسد ما يحقد مايكون كي كان
لي سبق
هداك ما دمر الكفار
يوم رسولنا بغا من لجهل يخرجهم
گالو حنا على ملة جدودنا لمحيا وللمامات
ها كلشي فات
وتاريخ بعبر فيه شلا دكريات
فرعون وقارون وهامان  والسلطان
ومول المال ولي كان يگول فين نبات
كلشي تحت ثراب
ولاو عظام وبقات الانجازات.
.

رابط القصيده على اليوتوب
https://youtu.be/QjisLc39m7s