زجل مغربي بعنوان : الـحُـــــبْ
عجبتني من النظر
حبك سكن الگلب
و ف عروق نار
من غرامك شاعله ك جمر
شعر زعر
بغيتك ليا عمر
علاقة مبنية على وتر
معزوفة بلون حمر
هالشجر هالخضورية
هالبحر
دكريات تتبنى فكل شهر
اغلبها فالخلا تعمر
عشاق شادين ركنة
ها صغير ها الكبير
دوز الوقت بوعود الزواج
هبيلة حسبت الحلال
فانها تعطي الحب بلا شرط
وديب نياب سايلة على نعاج
لكلام لحلو علف
وزريبة كبيرة تساع ألف
فكل خربه طاح الشرف
خانت أمانة أمها
وطنعت بوها ف ظهر
باش ترضي ضبع
ما يفرق بين اللحم
والجيفة
انتَ كدبتي
لعبتي
وديب طلعتي
عرفتي كيفاش تغزل
وتلون بالخداع مشاعرك
انت وردة وسط جنان
انت لعمر وفيك نهبال
نرسم نجوم ف سما
وعيني ماتشوف غيرك
من نسا
هضرة زوينة مزوقة
وخديتي لي نفسك فيه
طامعه
ونسيتي اختك اتعيش نفس القصة
و انتي غراتك منار
والعشق الممنوع
عائلة طايحة ف لحرام
بغيتي تانتي تعيش الادوار
تحس بالمغامرة وطيش
برمجوك بلا متحس
ردوك دمية بسبب تلفزة
اش قدمتي ف دنيا
همك زواج وديري دار
تولدي وتشدي لكوان
باش انتي حسن من لبقر
هي تعطي حليب يستافد منو البشر
انتي ولدتي ولاد ومصاب يطلع بار
راجع افكارك ورسم لحياة
كون شريفة بحيائك جوهرة
يشريك لي يقدر الماس
ويبقى نورك ساطع فكل مكان
بنت ناس بنت الاصل
وديما رافعه راس
الحب
ماشي وهم مرسوم ف دروبة
ولا لحظة شهوة دايزة
انتي تبقى لك وشم عار
يدمر حياتك اعوام
وانتَ تبعك شحال من دعوة
ماتعرف امتى توصلك
تجي فنفسك ولا اختك
ولا بنتك
ولا تخزن لاخرتك
خود العبرة
وحسب بنات ناس
بنتك او ختك
گبل ما تلعب بشرفها وتندم
وانتي كوني مثبة
عارف قيمتك الغالية
لا تبيع راسك رخيصة
تبقاي دليلة
عزتك فغلاوتك
كي نجمة
بعيدة ديما منورة
تسحر النظر
وتعشقها عيون گاع البشر
.
_رابط الفيديو على قناة في اليوتوب:
https://youtu.be/aKzLbhL5Ex0
.
.
.
.
تعليقات
إرسال تعليق