تصاور بيسلفي الشهرة أعمي

.
تفاهة مستمرة ف بلادي كل يوم  ناس لا ادب لا اخلاق والشعب عاطيهم قيمة وينتقد الملك الى عطا لفنانين وسام
علاش شكون طلع شان لبوزبال تا ولا يبان فگاع الصفحات الكبار
منحكمش على المستوى الدراسي لاي انسان لان النجاح عمرو كان بالعلم لكن بالايمان واخا العلم جزء كبير منو ثقافة ماشي حفاظة ودراسة وشهادة... ؤ وظيفة مستمرة
لان مدرسة الحياة تجارب ماشي نقطة ممتازة وشهادة يفتخر بها الأهل قدام الجيران والعمام...
لي بغيت نوصل العيب ماشي فلبلاد ولا فانك تبكي وتنتقد البلاد لكن العيب تغوت وتطالب بحقوق وانت برفعك لناس دون المستوى فالاخلاق والكلام... كتزيد دمر لبلاد، هما ماغادي يوصل صوتك ولا يزيد فثقافتك والو غير تزيد تعاير لبلاد ان منها خرجو ها د العباد...
باغي تشارك وتشهر ماشي عيب لكن عاون لي تشوف يقدر يوصل صوتك لابعد حد وتحس حاس بعيشتك والقهرة لي فيك
ماشي واحد يضحك عليك وضحك عليه ماينفعك ولا ينفع لبلاد بتا وزة وملي تخنق تخرج غضبك على البلاد
قبل هادشي كل، وقبل ماتطالب بان البلاد تتحسن غير نفسك اول لان كون كل واحد غير راسو القاو لبلاد تغيرت بنفسها
كنشوف بزاف يتشكاو من زبل وفالاصل ناس بحالهم لي داروه الى ماكانوش هما نيت ماليه
كلنا نعرف ننتقد لكن قليل لي يخدم.... ويبدا براسو
#أسمر_وعيون_للقمر
#عماد_والحاج