زجل مغربي بعنوان :الحــــجاب

الحجاب
لباس زين
والبنت مكحلة العين
تلبس دجين
وتزير على الفخدين
وتگول أنا دايرة بالدين
والعنوان فالثوب باين

فولار مغطي الزغب
وغادية فعيون رجال ترغب
أنوثه للمشاعر تداعب
وتشكاي من التحرش والشغب
وانت كلشي فيك يلعب

صحيح ماتلام هديك حريتك
ديري لي عجبك فنفسك
تاحد مايحاسبك ويلومك
تبغي تبيني زينك
رقتك وانوثتك
هادي أفكارك

طالق سلاحك
باش تكمل نص دينك
هدا ماقالت لك ميمتك
أو عناد فيك لصحباتك
تفسيرات كثيرة تنفعك
يابنت الناس
اللحم المعري
يجمع دبان
ولا ياكلوه ضباع
اما اللحم اامستور
يبقى محمي وبنة ماتزول
ويبقى غالي فالميزان مكيول
حرت باش نوصفك
نص منك بغا الجنة
والنص لاخر خدام لشيطان
عام ورا عوام
وسيرتك ولات ف كل لافام
.
.